കേരള‌ത്തിലെ 10 ബീച്ചുകള്‍ Kerala's Top 10 Beaches

By -

4.പയ്യാമ്പലം ബീച്ച്

സാഹസിക പ്രിയരുടെ സ്വന്തം പയ്യാമ്പലം ബീച്ച്

പയ്യാമ്പലം എന്നാല്‍ ശ്മശാനഭൂമി എന്നായിരുന്നു കുറച്ചുവര്‍ഷങ്ങള്‍ മുമ്പ് വരെ ആളുകള്‍ ധരിച്ചു വച്ചിരുന്നത്. എ കെ ജിയെ പോലെ കേരളം കണ്ട രാഷ്ട്രീയ മഹാരഥന്‍മാരുടെ സ്മൃതി മണ്ഡപം ഉള്‍പ്പെടുന്ന ഒരു ശ്മാശാനം പയ്യാമ്പലം എന്ന വിശാല വിനോദ സഞ്ചാര ഭൂമികയില്‍ ഉണ്ടെങ്കിലും അത് മാത്രമാണ് പയ്യാമ്പലം എന്ന് ആരും കരുതരുത്. കണ്ണൂര്‍ നഗരത്തില്‍ നിന്നും അധികം അകലെയല്ലാതെ( ഏകദേശം 2 കിലോമീറ്റര്‍) സ്ഥിതിചെയ്യുന്ന ഈ ബീച്ച് വിനോദ സഞ്ചാരികള്‍ക്ക് ഒരു പറുദീസയായിരിക്കും. പ്രണയിതാക്കള്‍ക്ക് ഒരുമിച്ചിരുന്ന് ഐസ്ക്രീം നുണയാനുള്ള പാര്‍ക്കുമുതല്‍, സാഹസികരായ സഞ്ചാര പ്രിയര്‍ക്കുള്ള പാരാസെയിലിംഗ് വരെ പയ്യാമ്പലത്ത് ഒരുക്കിയിരിക്കുന്നു. ഉല്ലാസ യാത്രയ്ക്ക് പിന്നെ എന്തിന്‌ മറ്റൊരു ബീച്ച് പരതിപോകണം. ബീച്ചുകള്‍ക്ക് പഞ്ഞമില്ലാത്ത കേരളത്തിലെ മറ്റൊരു മനോഹര ബീച്ചാണ് പയ്യാമ്പലം എന്ന് അവിടെ പോയിട്ടുള്ളവര്‍ക്ക് അറിയാം. വെള്ളമണല്‍ നിറഞ്ഞ പയ്യാമ്പലം ബീച്ചിന്‍റെ സൌന്ദര്യം ആസ്വദിക്കാന്‍ ഏറ്റവും നല്ലസമയം സായാഹ്നമാണ്. പക്ഷെ പയ്യാമ്പലത്തെ സായാഹ്ന കാഴ്ചകള്‍ മാത്ര ലക്‍ഷ്യം വച്ച് ഇവിടെ എത്തുന്നതില്‍ കാര്യമില്ല. നീലിമ നിറഞ്ഞ പച്ചക്കടലിനോട് ചേർന്ന് കിടക്കുന്ന സുന്ദരമായ ഈ ബീച്ച് ഏകദേശം മൂന്ന് കിലോമീറ്ററോളം ദൂരം നീണ്ടുകിടക്കുന്നുണ്ട്. കിഴക്കോട്ട് പോകുംതോറും ബീച്ചിന്റെ വിസ്തീർണം കൂടി വരുന്നത് കാണം. പയ്യാമ്പലത്ത് എത്തിയാല്‍ സഞ്ചാരികള്‍ക്ക് ആസ്വദിക്കാനുള്ള കാര്യങ്ങള്‍ പലതാണ്. അവയിൽ ചിലത് നമുക്ക് കാണാം.





നീന്തൽ മുതൽ ധാരാളം സാഹസിക വിനോദങ്ങൾക്കുള്ള അവസരം പയ്യാമ്പലം ബീച്ചിൽ ഉണ്ട്. ജെറ്റ്സ്കീയിംഗ്( jet skiing), സ്നൊർകെല്ലിംഗ്(snorkelling) എന്നീ വാട്ടർസ്പോർട്ട് ആക്റ്റിവിറ്റികൾക്കും ഇവിടെ അവസരമുണ്ട്.

 


മണല്‍പരപ്പില്‍ കാല്‍പാടുകള്‍ തീര്‍ത്ത് നിങ്ങള്‍ നടന്ന് നീങ്ങുമ്പോള്‍ കുറച്ച് ആള്‍കൂട്ടം നിങ്ങളുടെ കണ്ണില്‍പ്പെടാം( വൈകുന്നേരങ്ങളില്‍ മാത്രം) അപ്പോള്‍ നിങ്ങള്‍ കടലിന് മുകളിലെ നീലാകാശത്തേക്ക് ഒന്ന് കണ്ണെത്തിച്ച് നോക്കുക. മഴവില്ലിന്‍റെ ഏഴഴുകുള്ള കുടപോലുള്ള ഒരു പറക്കും തളിക കാണാന്‍ കഴിയും. പാരാസെയിലിംഗിന്‍റെ കാര്യമാണ് പറഞ്ഞ് വരുന്നത്. അകാശം ചുറ്റി കടല്‍ കാണാന്‍ ആഗ്രഹിക്കുന്നവര്‍ക്ക് പാരാസെയിലിംഗ് തെരഞ്ഞെടുക്കാവുന്നതാണ്. മതിയായ സുരക്ഷാ സംവിധാനത്തോടെയാണ് ഇവിടെ പാരാസെയിലിംഗ് നടത്തുന്നത് എന്നതിനാല്‍ ജീവന്‍റെ കാര്യത്തില്‍ പേടി വേണ്ട.


മണല്‍പരപ്പില്‍ കാല്‍പ്പാടുകള്‍ തീര്‍ക്കാം

പച്ചയോ നീലയോ എന്ന് തിരിച്ചറിയാന്‍ കഴിയാത്ത അറബിക്കടലിലെ വെള്ളപുതച്ച തിരമാലകള്‍ ആര്‍ത്തലച്ച് വന്ന് തിരിച്ച് പോകുന്ന വെള്ളമണല്‍ നിറഞ്ഞ കടല്‍ പരപ്പിലൂടെ വെറുതെ ഒന്ന് നടക്കാം. മനസിലെ ആകുലതകളോക്കെ അല്ലെങ്കില്‍ സമ്മര്‍ദ്ദങ്ങളൊക്കെ കടലെടുത്തുകൊണ്ടു പോയ അനുഭൂതി നിങ്ങള്‍ക്ക് ഉണ്ടാകും. ഇത് പയ്യാമ്പലം ബീച്ചായതിനാല്‍ അള്‍ക്കൂട്ടത്തെ നിങ്ങള്‍ക്ക് തെല്ലും ഭയപ്പെടേണ്ട.

Comments

Post a Comment

Popular posts from this blog

കേരള‌ത്തിലെ 10 ബീച്ചുകള്‍ Kerala's Top 10 Beaches

By -
Image
7.ശംഖുമുഖം ബീച്ച്, തിരുവനന്ത‌പുരം തിരുവനന്തപുരം ജില്ലയില്‍ തന്നെ സ്ഥിതി ചെയ്യുന്ന പ്രശസ്തമായ മറ്റൊരു ബീച്ചാണ് ശംഖുമുഖം ബീച്ച്. കാനായി കുഞ്ഞിരാമന്‍ തീര്‍ത്ത ജലകന്യക എന്ന ശില്പം ഇവിടെ എത്തുന്ന സഞ്ചാരികളെ ആകര്‍ഷിപ്പിക്കുന്ന ഒന്നാണ്. 8.ചാവക്കാട് ബീച്ച് തൃശൂര്‍ ജില്ലയിലെ ചാവക്കാടാണ് ഈ ബീച്ച് സ്ഥിതി ചെയ്യുന്നത്. പ്രശസ്തമായ ഗുരുവായൂര്‍ ശ്രീകൃഷ്ണ ക്ഷേത്രത്തില്‍ നിന്ന് അഞ്ച് കിലോമീറ്റര്‍ അകലേയായി സ്ഥിതി ചെയ്യുന്ന ഈ ബീച്ച് കാണാന്‍ നിരവധി സഞ്ചാരികള്‍ എത്താറുണ്ട്.  ആധുനികവല്‍ക്കരണം കൊണ്ട് മലിനമായിട്ടില്ലാത്ത വൃത്തിയുള്ള കടല്‍ത്തീരമാണ് ചാവക്കാട് ബീച്ചിനെ സഞ്ചാരികള്‍ക്ക് പ്രിയപ്പെട്ടതാക്കുന്ന ഒരു ഘടകം. വിളക്കുമാടവും നെടുനീളന്‍ തെങ്ങിന്‍തോപ്പുകളുമടങ്ങിയ മനോഹരമായ പ്രകൃതിക്കാഴ്ചകള്‍ കിട്ടും ചാവക്കാട് ബീച്ചില്‍ നിന്നും.   തൃശ്ശൂര്‍ ജില്ലയിലെ മനോഹരമായ കാഴ്ചകളിലൊന്നാണ് ചാവക്കാട് ബീച്ച്. വിനോദസഞ്ചാരികളുടെ ഇഷ്ടകേന്ദ്രമാണ് പ്രകൃതിസുന്ദരമായ ചാവക്കാട് ബീച്ച്. ഗുരുവായൂര്‍ നിന്നും 4 കിലോമീറ്റര്‍ അകലെയാണ് ചാവക്കാട് ബീച്ച് സ്ഥിതിചെയ്യുന്നത്...
Read more

ഊട്ടി മലകളുടെ റാണി (ooty queen of hill station)

By -
Image
തമിഴ്നാട് സംസ്ഥാനത്തിലെ നീലഗിരി ജില്ലയിലാണ് ഊട്ടി എന്ന പ്രകൃതിരമണീയമായ പട്ടണം സ്ഥിതിചെയ്യുന്നത്. മഞ്ഞും കുളിരും വലയം ചെയ്ത നീലഗിരിക്കുന്നുകള്‍ക്കിടയിലെ ഈ പ്രദേശത്തിന്റെ ഔദ്യോഗിക നാമം ഊട്ടക്കാമുണ്ട് എന്നാണ്. വര്‍ഷംതോറും ഊട്ടിയുടെ സൌന്ദര്യം നുകരാന്‍ ഇവിടേക്ക് ഒഴുകിയെത്തുന്ന സഞ്ചാരികളുടെ സൌകര്യത്തിന് വേണ്ടിയാണ് ഊട്ടിയെന്ന സരള നാമം കൈകൊണ്ടത്. മഞ്ഞിന്റെ ശിരോവസ്ത്രമണിഞ്ഞ് നില്ക്കുന്ന നീലഗിരിക്കുന്നുകളുടെ പശ്ചാതലമാണ് ഊട്ടിയെ ഇത്ര സുന്ദരമാക്കുന്നത്. നീലമലകള്‍ എന്നും ഇവയ്ക്ക് പേരുണ്ട്. 12 വര്‍ഷത്തിലൊരിയ്ക്കല്‍  മാത്രം പൂക്കുന്ന നീലക്കുറിഞ്ഞി പൂക്കളാവാം ഈ സ്ഥലനാമത്തിന് കാരണം. മലനിരകളെയാകെ നീലനിറത്തില്‍ മുക്കുന്ന ഈ പുഷ്പോത്സവം കാണാന്‍ വിദൂരങ്ങളില്‍  നിന്ന് പോലും സഞ്ചാരികള്‍ ഇവിടെ എത്താറുണ്ട്. ഇവിടമാകെ സമൃദ്ധമായി കാണപ്പെടുന്ന യൂക്കാലിപ്സ് മരങ്ങളില്‍  നിന്ന് പ്രസരിക്കുന്ന നീലനിറത്തിലുള്ള പുകയാണ് മലനിരകള്‍ക്ക് നീലനിറം നല്കുന്നതെന്നാണ് ആളുകള്‍ പറയുന്നത്. ഊട്ടിയുടെ പൂര്‍വ്വചരിത്രങ്ങളിലേക്ക് വെളിച്ചം വീശുന്ന ആധികാരികമായ രേഖകളോ പ്രമാണങ്ങളോ ഇതുവരെ ലഭിച്ചിട്ടില്ല. എറെ ജ...
Read more

Meesapulimala (മീശപുലിമല ട്രെക്കിങ്ങ്)

By -
Image
Meesapulimala (മീശപുലിമല ട്രെക്കിങ്ങ്)   2640 മീറ്റർ ഉയരമുള്ള മീശപുലിമല, ഗുജറാത്ത്‌ അതിർത്തിലെ തപ്തി നദീതീരം മുതൽ കന്യാകുമാരി വരെ നീണ്ടുകിടക്കുന്ന സഹ്യപർവത നിരകളിലെ ട്രെക്ക് ചെയ്യാൻ അനുവദനീയമായ ഏറ്റവും ഉയരമുള്ള പർവതമാണ് (ഏറ്റവും ഉയരമുള്ള പർവതം 2690 മീറ്റർ ഉയരമുള്ള ആനമുടി ആണ്, എങ്കിലും അങ്ങോട്ട് പ്രവേശനം അനുവദനീയമല്ല). നയനമനോഹരമായ പുൽമേടുകൾ താണ്ടുമ്പോഴും മുകളിലെത്തുമ്പോഴും ഉള്ള കാഴ്ചകൾ അതിമനോഹരമാണ്. മേഘങ്ങൾ നമുക്കു താഴെ, ഇടക്ക് മഞ്ഞിൽ പൊതിയുന്ന മലകൾ, മഞ്ഞു മാറുമ്പോൾ കാണുന്ന വിസ്മയങ്ങൾ. നേപ്പാളിന്റെ ദേശിയ പുഷ്പവും അരുണാചൽ പ്രദേശിന്റെ ഔദ്യോഗിക പുഷ്‌പവുമായ റോഡോഡെൻഡ്രോൺ മീശപുലിമലയിൽ സാധാരണമാണ്. കുറിഞ്ഞി വെള്ളച്ചാട്ടത്തിന്റെ മനോഹാരിതയും കരിംകുളവും കണ്ടുള്ള KFDC മീശപുലിമല ട്രെക്കിങ്ങ് അത്യന്തം ഹൃദ്യവും ഓർമകളിൽ തങ്ങി നിൽക്കുന്നതുമാണ്. റോഡോ വാലിയിൽ നിന്നുമുള്ള ട്രെക്ക് താരതമ്യേനെ ആയാസരഹിതവുമായതിനാൽ ട്രെക്കിങ്ങിൽ മുൻപരിചയം ഇല്ലാത്തവർക്കും പരിഗണിക്കാവുന്നതാണ്. മീശപുലിമല ട്രെക്കിങ്ങ് നടത്തുന്ന മൂന്നാർ KFDC ഉദ്യോഗസ്ഥരിൽ നിന്നും അറിഞ്ഞ ചില വിവരങ്ങൾ അത്ര സുഖകരമായിരുന്നില്ല. പര...
Read more