കേരള‌ത്തിലെ 10 ബീച്ചുകള്‍ Kerala's Top 10 Beaches

7.ശംഖുമുഖം ബീച്ച്, തിരുവനന്ത‌പുരം

തിരുവനന്തപുരം ജില്ലയില്‍ തന്നെ സ്ഥിതി ചെയ്യുന്ന പ്രശസ്തമായ മറ്റൊരു ബീച്ചാണ് ശംഖുമുഖം ബീച്ച്. കാനായി കുഞ്ഞിരാമന്‍ തീര്‍ത്ത ജലകന്യക എന്ന ശില്പം ഇവിടെ എത്തുന്ന സഞ്ചാരികളെ ആകര്‍ഷിപ്പിക്കുന്ന ഒന്നാണ്.

8.ചാവക്കാട് ബീച്ച്

തൃശൂര്‍ ജില്ലയിലെ ചാവക്കാടാണ് ഈ ബീച്ച് സ്ഥിതി ചെയ്യുന്നത്. പ്രശസ്തമായ ഗുരുവായൂര്‍ ശ്രീകൃഷ്ണ ക്ഷേത്രത്തില്‍ നിന്ന് അഞ്ച് കിലോമീറ്റര്‍ അകലേയായി സ്ഥിതി ചെയ്യുന്ന ഈ ബീച്ച് കാണാന്‍ നിരവധി സഞ്ചാരികള്‍ എത്താറുണ്ട്.

 ആധുനികവല്‍ക്കരണം കൊണ്ട് മലിനമായിട്ടില്ലാത്ത വൃത്തിയുള്ള കടല്‍ത്തീരമാണ് ചാവക്കാട് ബീച്ചിനെ സഞ്ചാരികള്‍ക്ക് പ്രിയപ്പെട്ടതാക്കുന്ന ഒരു ഘടകം. വിളക്കുമാടവും നെടുനീളന്‍ തെങ്ങിന്‍തോപ്പുകളുമടങ്ങിയ മനോഹരമായ പ്രകൃതിക്കാഴ്ചകള്‍ കിട്ടും ചാവക്കാട് ബീച്ചില്‍ നിന്നും.

 

തൃശ്ശൂര്‍ ജില്ലയിലെ മനോഹരമായ കാഴ്ചകളിലൊന്നാണ് ചാവക്കാട് ബീച്ച്. വിനോദസഞ്ചാരികളുടെ ഇഷ്ടകേന്ദ്രമാണ് പ്രകൃതിസുന്ദരമായ ചാവക്കാട് ബീച്ച്. ഗുരുവായൂര്‍ നിന്നും 4 കിലോമീറ്റര്‍ അകലെയാണ് ചാവക്കാട് ബീച്ച് സ്ഥിതിചെയ്യുന്നത്. കേരളത്തിന്റെ പടിഞ്ഞാറേ തീരത്തെ ഏറ്റവും സുന്ദരമായ കടല്‍ത്തീരങ്ങളിലൊന്നാണ് നിരവധി യാത്രികരുടെ പ്രിയകേന്ദ്രമായ ചാവക്കാട് ബീച്ച്.
 

 

9.വര്‍ക്കല ബീച്ച്, തിരുവനന്ത‌പുരം

വര്‍ക്കല ബീച്ച് തിരുവനന്തപുരത്ത് നിന്ന് 54 കിലോമീറ്റര്‍ വടക്കുഭാഗത്തായി സ്ഥിതി ചെയ്യുന്നു. ഇവിടത്തെ വാവുബലി പ്രസിദ്ധമാണ്. ഒന്നാം നൂറ്റാണ്ടിന്റെ അവസാനകാലം മുതല്‍ അനുഷ്ഠിച്ച് വരുന്ന ഒരു ഹൈന്ദവ ആചാരമാണ് വാവുബലി. 2000 വര്‍ഷം പഴക്കമുള്ള ശ്രീ ജനാര്‍ദ്ദനസ്വാമി ക്ഷേത്രത്തിന്റെ സാമീപ്യമാണ് ഈ കടല്‍തീരത്തെ പുണ്യഭൂമിയായി സങ്കല്പി ക്കാന്‍ കാരണമാകുന്നത്.പ്രകൃതി ചികിത്സാ കേന്ദ്രത്തിന് പുറമെ ഔഷധ ശക്തിയുള്ള ഒരരുവിയും ഇവിടെയുണ്ട്. ഇതില്‍ കുളിക്കുന്നത് പുണ്യമാണെന്ന് വിശ്വസിച്ച് ധാരാളം ആളുകള്‍ ഇവിടം സന്ദര്‍ശിക്കുന്നു.

വോളിബോള്‍ കളിക്കാനും നീന്താനും സര്‍ഫിംങിനും ഇവിടെ അവസരമുണ്ട്. അസ്തമയശോഭ ആസ്വദിച്ച് മണല്‍ പരപ്പില്‍ അലസമായ് നടക്കാം. ഷോപ്പിംങ് വേണ്ടവര്‍ക്ക് അതുമാവാം.കടലിനോട് ചേര്‍ന്ന് കിടക്കുന്ന കുന്നിന്‍ചെരുവിനെ നോര്‍ത്ത് ക്ലിഫെന്നും സൌത്ത് ക്ലിഫെന്നും വേര്‍തിരിച്ചിട്ടുണ്ട്. വിവിധ രാജ്യങ്ങളിലെ ഭക്ഷണത്തിന്റെ രുചിവൈവിധ്യം നിങ്ങള്‍ക്കിവിടെ അനുഭവവേദ്യമാക്കം. ഇസ്രയേലി, ചൈനീസ്, കോണ്ടിനെന്റല്‍, ഇറ്റാലിയന്‍ ഭക്ഷണങ്ങള്‍ നോര്‍ത്ത് ക്ലിഫിലെ കഫേകളില്‍ ലഭ്യമാണ്. ഈ ബീച്ച് സന്ദര്‍ശിക്കാന്‍ ഏറ്റവും ഉചിതമായ സമയം നവംബര്‍ മുതല്‍ മാര്‍ച്ച് വരെയാണ്.

സണ്‍ ബാത്തിനും നീന്തലും അനുയോജ്യമായ തിരുവനന്തപുരം ജില്ലയിലെ ഒരു ബീച്ചാണ് വര്‍ക്കല ബീച്ച്. പാപനാശം ബീച്ചെന്ന് അറിയപ്പെടുന്ന ഈ ബീച്ച് കേരളത്തിലെ പ്രശസ്തമായ ടൂറിസ്റ്റ് കേന്ദ്രങ്ങളില്‍ ഒന്നാണ്. സഞ്ചാരികളെ കാത്ത് നിരവധി റെസ്റ്റോറെന്റുകളും ഇവിടെയുണ്ട്.

10.പൂവാര്‍ ബീച്ച്, തിരുവനന്തപുരം

മനോഹരമായ ബീച്ചാണ് പൂവാറിലേത്, അധികം കോളുകൊള്ളാത്ത കടല്‍ത്തീരം ശാന്തമായ അന്തരീക്ഷമൊരുക്കുന്നു. തീരത്തുള്ള തെങ്ങുകളെല്ലാം ചേര്‍ന്ന് കാഴ്ച മനോഹരമാക്കുന്നു. തിരുവനന്തപുരം നഗരത്തില്‍ നിന്നും 38 കിലോമീറ്റര്‍ അകലെയാണ് പൂവാര്‍. വിഴിഞ്ഞത്തുനിന്നും പതിനഞ്ച് മിനിറ്റ് ബോട്ടില്‍ സഞ്ചരിച്ചാലും പൂവാറിലെത്താം. 

 

 

കോവളം ബീച്ചും പൂവാര്‍ ബീച്ചുമായി ഒരു അഴിയാല്‍ വേര്‍തിരിക്കപ്പെട്ടു കിടക്കുകയാണ്. വേലിയേറ്റ സമയത്ത് കടലിനെ കായലുമായി ബന്ധിപ്പിക്കുന്ന ഒരു പൊഴിയും ഇവിടെ രൂപപ്പെടാറുണ്ട്. ചെറിയസ്ഥലമാണെങ്കിലും ടൂറിസം സാധ്യതകള്‍ ഉപയോഗപ്പെടുത്തി ഒട്ടേറെ റിസോര്‍ട്ടുകള്‍ ഇവിടെ പ്രവര്‍ത്തിക്കുന്നുണ്ട്.

പലതരം സൗകര്യങ്ങളാണ് ഓരോ റിസോര്‍ട്ടുകളും വാഗ്ദാനം ചെയ്യുന്നത്. ചിലര്‍ ബോട്ടിങാണെങ്കില്‍ മറ്റുചിലര്‍ ആയുര്‍വേദ ചികിത്സകളാണ് മുന്നോട്ടുവെയ്ക്കുന്നത്. കടല്‍ത്തീരത്ത് പ്രാദേശിക വിഭവങ്ങളും മറ്റ് ഭക്ഷ്യ വിഭവങ്ങളും കിട്ടും. വേലിയേറ്റവും വേലിയിറക്കവും ശക്തമായതിനാല്‍ ഇവിടെ കടലില്‍ നീന്തല്‍ അത്ര സുരക്ഷിതമായ കാര്യമല്ല.