രാമക്കൽ‌മേട് (Ramakkalmedu, Idukki)

By -

രാമക്കൽ‌മേട്

 

പശ്ചിമഘട്ട മലനിരകളിലായി സമുദ്രനിരപ്പിൽ നിന്ന് 3500 അടി ഉയരത്തിലാണ് രാമക്കൽമേട് സ്ഥിതി ചെയ്യുന്നത്. ഇത്രയും ഉയരം കീഴടക്കി രാമക്കൽ‌മേടിന്റെ ഉച്ചിയിൽ എത്തിയാൽ തമിഴ്നാടിന്റെ സൗന്ദര്യം കാണാം.
ഓരോ യാത്രകളിലും വ്യത്യസ്തമായ കാഴ്ചകളും അനുഭവങ്ങളുമാണ് ചിലർ പ്രതീക്ഷിക്കുന്നത്. ഇത്തരത്തിൽ വ്യത്യസ്തമായ യാത്രകൾ ആഗ്രഹിക്കുന്നവർ തീർച്ചയായും സന്ദർശിക്കേണ്ട സ്ഥലമാണ് ഇടുക്കി ജില്ലയിലെ രാമക്കൽ‌മേട്.

കേരളത്തിന്റെ മലമുകളിൽ നിന്ന് തമിഴ്നാട് നോക്കികാണുന്നതിന്റെ ത്രില്ല് അവിടെ ചെന്നാൽ മാത്രമേ അറിയാൻ കഴിയു.
ഇടുക്കി ജില്ലയിൽ കേരള തമിഴ്നാട് അതിർത്തിയിൽ ആണ് രാമക്കൽമേട് സ്ഥിതി ചെയ്യുന്നത്. ഈ മലയിൽ കയറി നിന്നാൽ തമിഴ്നാട്ടിലെ സമതലപ്രദേശങ്ങളുടെ സൗന്ദര്യം ആസ്വദിക്കാം. വിമാനത്തിലെ വിൻഡോയിലൂടേ ഭൂമിയിലെ കാഴ്ചകൾ കാണുന്ന അതേ അനുഭൂതിയായിരിക്കും ഇവിടെ എത്തിയാൽ നിങ്ങൾക്ക് ഉണ്ടാവുക.
 

 
ചരിത്ര പ്രധാന്യമുള്ള ഈ മലനിരയിലേക്ക് നിരവധി സഞ്ചാരികൾ എത്താറുണ്ട്. രാമക്കൽ‌മേടിന് ആ പേര് ലഭിച്ചതിന് പിന്നിൽ ഒരു ഐതിഹ്യം ഉണ്ട്. ശ്രീരാമന്‍ തന്റെ പത്‌നിയായ സീതാദേവിയെ തിരഞ്ഞ് ഈ കുന്നിലെത്തിയെന്നാണ് വിശ്വാസം. 'രാമന്‍ കാല്‍ വെച്ച ഇടം' എന്ന അർത്ഥത്തിലാണ് ഈ സ്ഥലത്തിന് രാമക്കൽമേട് എന്ന പേര് ലഭിച്ചത്.
 




രാമക്കൽമേട്ടിൽ എത്തിച്ചേരുന്ന സഞ്ചാരികളെ ആകർഷിപ്പിക്കുന്ന മറ്റൊന്നാണ് സദാ കറങ്ങിക്കൊണ്ടിരിക്കുന്ന കൂറ്റൻ‌ കാറ്റാടികൾ. മണിക്കൂറിൽ 35.5 കിലോമീറ്റർ വേഗത്തിൽ കാറ്റ് വീശാറുള്ള ഇവിടെ നിന്ന് വൈദ്യുതി ഉദ്പാദിപ്പിക്കാറുണ്ട്.നിരവധി വിനോദസഞ്ചാരികൾ ഇവിടെ എത്തിച്ചേരാറുണ്ടെങ്കിലും, ഒരു ടൂറിസ്റ്റ് കേന്ദ്രമെന്ന നിലയിൽ രാമക്കൽമേട് വികസിച്ചിട്ടില്ല. കുന്നുകയറി എത്തുമ്പോൾ ഒന്ന് രണ്ട് ചായപീടികകളോക്കെ കണ്ടേക്കാം എന്നതിലുപരി ഭക്ഷണം കിട്ടാനുള്ള സ്ഥലം പോലുമില്ല.

ട്രെക്കിംഗ് പ്രിയരുടെ ഇഷ്ടകേന്ദ്രമാണ് ഈ സ്ഥലം അതിനാൽ നിരവധിപ്പേരാണ് രാമക്കൽമേട്ടിലേക്ക് കയറുന്നത്. എന്നാൽ മഴക്കാലത്ത് വഴുതൽ ഉണ്ടാകും എന്നതിനാൽ പാറകളിൽ കയറുന്നത് ഒഴിവാക്കുക. മാത്രമല്ല അതിസാഹസികരാകാൻ ശ്രമിച്ച് അപകടങ്ങൾ ഉണ്ടാക്കാതിരിക്കാൻ ശ്രദ്ധിക്കുക. 


കുറവനും കുറത്തിയും വ്യൂപോയിന്റ് മലയ്ക്ക് അടുത്തായുള്ള മറ്റൊരു മലയിൽ കുറവന്റേയും കുറത്തിയുടേയും ശിൽപങ്ങൾ കാണാം. ഇടുക്കിഡമുമായി ബന്ധപ്പെട്ട ഐതിഹ്യങ്ങളിലെ കഥാപാത്രങ്ങളാണ് ഇത്.


മൂന്നാറിലോ തേക്കടിയിലോ സന്ദർശിക്കമ്പോൾ രാമക്കൽമേടും സന്ദർശിക്കാൻ മറക്കേണ്ട. മൂന്നാറിൽ നിന്ന് എഴുപതും തേക്കടിയിൽ നിന്ന് 43 കിലോമീറ്ററുമാണ് ഇവിടേയ്ക്കുള്ള ദൂരം. ഇടുക്കിയിലെ പ്രധാനനഗരമായ കട്ടപ്പനയിൽ നിന്ന് 20 കിലോമീറ്റർ അകലെയായാണ് ഈ സ്ഥലം സ്ഥിതി ചെയ്യുന്നത്.

 

ചിത്രങ്ങൾക്കും വിവരങ്ങൾക്കും കടപ്പാട്: ടീം NPM & വിക്കിപീഡിയ

Comments

Post a Comment

Popular posts from this blog

കേരള‌ത്തിലെ 10 ബീച്ചുകള്‍ Kerala's Top 10 Beaches

By -
Image
7.ശംഖുമുഖം ബീച്ച്, തിരുവനന്ത‌പുരം തിരുവനന്തപുരം ജില്ലയില്‍ തന്നെ സ്ഥിതി ചെയ്യുന്ന പ്രശസ്തമായ മറ്റൊരു ബീച്ചാണ് ശംഖുമുഖം ബീച്ച്. കാനായി കുഞ്ഞിരാമന്‍ തീര്‍ത്ത ജലകന്യക എന്ന ശില്പം ഇവിടെ എത്തുന്ന സഞ്ചാരികളെ ആകര്‍ഷിപ്പിക്കുന്ന ഒന്നാണ്. 8.ചാവക്കാട് ബീച്ച് തൃശൂര്‍ ജില്ലയിലെ ചാവക്കാടാണ് ഈ ബീച്ച് സ്ഥിതി ചെയ്യുന്നത്. പ്രശസ്തമായ ഗുരുവായൂര്‍ ശ്രീകൃഷ്ണ ക്ഷേത്രത്തില്‍ നിന്ന് അഞ്ച് കിലോമീറ്റര്‍ അകലേയായി സ്ഥിതി ചെയ്യുന്ന ഈ ബീച്ച് കാണാന്‍ നിരവധി സഞ്ചാരികള്‍ എത്താറുണ്ട്.  ആധുനികവല്‍ക്കരണം കൊണ്ട് മലിനമായിട്ടില്ലാത്ത വൃത്തിയുള്ള കടല്‍ത്തീരമാണ് ചാവക്കാട് ബീച്ചിനെ സഞ്ചാരികള്‍ക്ക് പ്രിയപ്പെട്ടതാക്കുന്ന ഒരു ഘടകം. വിളക്കുമാടവും നെടുനീളന്‍ തെങ്ങിന്‍തോപ്പുകളുമടങ്ങിയ മനോഹരമായ പ്രകൃതിക്കാഴ്ചകള്‍ കിട്ടും ചാവക്കാട് ബീച്ചില്‍ നിന്നും.   തൃശ്ശൂര്‍ ജില്ലയിലെ മനോഹരമായ കാഴ്ചകളിലൊന്നാണ് ചാവക്കാട് ബീച്ച്. വിനോദസഞ്ചാരികളുടെ ഇഷ്ടകേന്ദ്രമാണ് പ്രകൃതിസുന്ദരമായ ചാവക്കാട് ബീച്ച്. ഗുരുവായൂര്‍ നിന്നും 4 കിലോമീറ്റര്‍ അകലെയാണ് ചാവക്കാട് ബീച്ച് സ്ഥിതിചെയ്യുന്നത്...
Read more

ഊട്ടി മലകളുടെ റാണി (ooty queen of hill station)

By -
Image
തമിഴ്നാട് സംസ്ഥാനത്തിലെ നീലഗിരി ജില്ലയിലാണ് ഊട്ടി എന്ന പ്രകൃതിരമണീയമായ പട്ടണം സ്ഥിതിചെയ്യുന്നത്. മഞ്ഞും കുളിരും വലയം ചെയ്ത നീലഗിരിക്കുന്നുകള്‍ക്കിടയിലെ ഈ പ്രദേശത്തിന്റെ ഔദ്യോഗിക നാമം ഊട്ടക്കാമുണ്ട് എന്നാണ്. വര്‍ഷംതോറും ഊട്ടിയുടെ സൌന്ദര്യം നുകരാന്‍ ഇവിടേക്ക് ഒഴുകിയെത്തുന്ന സഞ്ചാരികളുടെ സൌകര്യത്തിന് വേണ്ടിയാണ് ഊട്ടിയെന്ന സരള നാമം കൈകൊണ്ടത്. മഞ്ഞിന്റെ ശിരോവസ്ത്രമണിഞ്ഞ് നില്ക്കുന്ന നീലഗിരിക്കുന്നുകളുടെ പശ്ചാതലമാണ് ഊട്ടിയെ ഇത്ര സുന്ദരമാക്കുന്നത്. നീലമലകള്‍ എന്നും ഇവയ്ക്ക് പേരുണ്ട്. 12 വര്‍ഷത്തിലൊരിയ്ക്കല്‍  മാത്രം പൂക്കുന്ന നീലക്കുറിഞ്ഞി പൂക്കളാവാം ഈ സ്ഥലനാമത്തിന് കാരണം. മലനിരകളെയാകെ നീലനിറത്തില്‍ മുക്കുന്ന ഈ പുഷ്പോത്സവം കാണാന്‍ വിദൂരങ്ങളില്‍  നിന്ന് പോലും സഞ്ചാരികള്‍ ഇവിടെ എത്താറുണ്ട്. ഇവിടമാകെ സമൃദ്ധമായി കാണപ്പെടുന്ന യൂക്കാലിപ്സ് മരങ്ങളില്‍  നിന്ന് പ്രസരിക്കുന്ന നീലനിറത്തിലുള്ള പുകയാണ് മലനിരകള്‍ക്ക് നീലനിറം നല്കുന്നതെന്നാണ് ആളുകള്‍ പറയുന്നത്. ഊട്ടിയുടെ പൂര്‍വ്വചരിത്രങ്ങളിലേക്ക് വെളിച്ചം വീശുന്ന ആധികാരികമായ രേഖകളോ പ്രമാണങ്ങളോ ഇതുവരെ ലഭിച്ചിട്ടില്ല. എറെ ജ...
Read more

Meesapulimala (മീശപുലിമല ട്രെക്കിങ്ങ്)

By -
Image
Meesapulimala (മീശപുലിമല ട്രെക്കിങ്ങ്)   2640 മീറ്റർ ഉയരമുള്ള മീശപുലിമല, ഗുജറാത്ത്‌ അതിർത്തിലെ തപ്തി നദീതീരം മുതൽ കന്യാകുമാരി വരെ നീണ്ടുകിടക്കുന്ന സഹ്യപർവത നിരകളിലെ ട്രെക്ക് ചെയ്യാൻ അനുവദനീയമായ ഏറ്റവും ഉയരമുള്ള പർവതമാണ് (ഏറ്റവും ഉയരമുള്ള പർവതം 2690 മീറ്റർ ഉയരമുള്ള ആനമുടി ആണ്, എങ്കിലും അങ്ങോട്ട് പ്രവേശനം അനുവദനീയമല്ല). നയനമനോഹരമായ പുൽമേടുകൾ താണ്ടുമ്പോഴും മുകളിലെത്തുമ്പോഴും ഉള്ള കാഴ്ചകൾ അതിമനോഹരമാണ്. മേഘങ്ങൾ നമുക്കു താഴെ, ഇടക്ക് മഞ്ഞിൽ പൊതിയുന്ന മലകൾ, മഞ്ഞു മാറുമ്പോൾ കാണുന്ന വിസ്മയങ്ങൾ. നേപ്പാളിന്റെ ദേശിയ പുഷ്പവും അരുണാചൽ പ്രദേശിന്റെ ഔദ്യോഗിക പുഷ്‌പവുമായ റോഡോഡെൻഡ്രോൺ മീശപുലിമലയിൽ സാധാരണമാണ്. കുറിഞ്ഞി വെള്ളച്ചാട്ടത്തിന്റെ മനോഹാരിതയും കരിംകുളവും കണ്ടുള്ള KFDC മീശപുലിമല ട്രെക്കിങ്ങ് അത്യന്തം ഹൃദ്യവും ഓർമകളിൽ തങ്ങി നിൽക്കുന്നതുമാണ്. റോഡോ വാലിയിൽ നിന്നുമുള്ള ട്രെക്ക് താരതമ്യേനെ ആയാസരഹിതവുമായതിനാൽ ട്രെക്കിങ്ങിൽ മുൻപരിചയം ഇല്ലാത്തവർക്കും പരിഗണിക്കാവുന്നതാണ്. മീശപുലിമല ട്രെക്കിങ്ങ് നടത്തുന്ന മൂന്നാർ KFDC ഉദ്യോഗസ്ഥരിൽ നിന്നും അറിഞ്ഞ ചില വിവരങ്ങൾ അത്ര സുഖകരമായിരുന്നില്ല. പര...
Read more